𠵱家一部智能電話已經有齊十幾種功能於一身，不過最原始嘅打電話功能反而越嚟越少用，睇吓啲電訊商都出無限通話用量就知啦。隨住呢個現象，陪咗大家好多年嘅《蘋果》足球同NBA戰果熱線今日開始就會功成身退。不過，想知道最新戰果仍然好方便，只要用智能電話或喺屋企、公司上《蘋果日報》網頁（圖）睇一睇，都可以望到最update嘅足智彩戰果，稍後仲會有更多新安排，波迷贒實喇！