剛公佈最後20人名單嘅港亞運隊，噚晚喺晒草灣同標準流浪「拍跳」，3位超齡球員入面，只有門將葉鴻輝同中場鞠盈智報到，前鋒安基斯就因傷缺席。由於港隊上場友賽吞咗南華6蛋，噚日對住齊人後首次友賽嘅流浪就非常認真。兩軍全場打真軍，港隊開波無耐已經輸12碼，被「倒戈」嘅林學曦射入，輸0:1；球隊攻守仲有好多地方需要改善，但主教練金判坤見球員咁搏，應該收貨啦。