因為挺梁而升呢做本港第六大商會嘅香港中華出入口商會，今年60大壽兼要換屆，10月左右就會選出新一批會董、常務會董，之後就會互選產生新一屆會長。八方聽聞，目前嘅下屆會長大熱係現任副會長、身兼全國政協委員嘅張學修，八方噚日問過佢，係咪有意競逐會長？佢就封口兼擰頭，話言之尚早，等選到會董先算，唔通驚提早表明心迹見光死？
講番中出60周年活動，除咗會搞個「進出口企業大獎2014」，12月亦會搞大型經濟論壇，請前摩根士丹利亞洲主席史蒂芬˙羅奇（Stephen Roach）、全國人大常委會原副委員長、經濟學家成思危等做嘉賓。