世界宣明會噚日舉辦舊書回收義賣行動，請嚟民主女神余若薇、民協馮檢基，以及宅男女神萬綺雯同「柒良」蔡瀚億捐書。雖然兩個女神同樣短髮兼高人一等，但阿基明顯對萬二蚊情有獨鍾，當對方上台時，阿基即掹手機，打直影完又打橫影，會前更準備自己著作《逆轉人生》即場向對方送禮，其後將同萬二蚊合照放上facebook，留言「我和馬小玲有個約會」，睇嚟係狂熱「馬小玲」粉絲。
同場嘅余若薇推介《豚出沒注意》一書，呼籲大家關心白海豚，又話今次義賣好有意義，因為可以幫內地山區小學興建學習設施，呼籲大家到鑽石山荷里活廣場，或者8月12日至18日到紅磡黃埔新天地買平書兼做善事。