丹麥甜心禾絲妮雅琪走出情傷後越嚟越風騷，男伴勁多，生活似乎比舊愛麥艾萊更精采，最近就疑似搭上迪祖高域細佬馬高（Marko）。禾琪喺twitter上載咗張同迪祖夫婦加埋馬高嘅合照，4位都笑容燦爛，睇落似足double date。睇嚟之前3年冇得着高踭鞋真係忍得太辛苦，禾琪前排先同西班牙嘅洛比斯搞曖昧，睇嚟𠵱家專攻一班高大威猛嘅男性喎。