網上早有齊規格資料，中、台已率先開賣的HTC One (E8)，今日終於正式登陸香港，不過開價並無驚喜，賣$3,998，比中國賣價更貴。新機可算是早前HTC旗艦機M8的變奏版，外形有八分相似，不過就由金屬機身變成手感一般的滑面膠機身，M8的招牌獨特雙鏡頭Ultrapixel相機亦變成普通的1,300萬像素相機，無得再玩景深，模擬3D等效果。
E8同時支援中港兩地3G和4G網絡，硬件方面則配備5吋1080p屏幕、Snapdragon 801 2.5GHz四核、2GB RAM及16GB容量，前置相機鏡頭亦有500萬像素，自拍跟M8一樣咁靚。整體實用性不俗，但這款「平價版」M8，抵唔抵玩就見仁見智了。新機暫設黑、白、紅及藍四色，並於八月初發售。
