周秀娜在《分手100次》裏的角色相當港女，說話直接，又喜歡挑剔男友。「港女」在港人心目中帶有貶義，但外國人反而覺得她們有可取之處，鄭伊健更為港女大平反，他說：「香港女仔直接、坦率，唔使嘥時間，譬如人情做幾多會直接問。」娜姐自認「正菜」：「我覺得自己同角色好似，可能外表上好強勢，感覺上好難相處，但其實只不過係一層保護網。」Tanya問娜姐想找一位強勢還是弱勢的男友？她思索一會，又看一看伊健（電影裏是小男人），並說：「可唔可以應腍時腍，哈哈！」
被旦哥吹得吸引
時下情侶偶爾在互聯網發洩，將另一半壞處無限放大，伊健認為網絡世界不需負責，自然可以暢所欲言：「將陰暗嗰面全部推晒上網，所以都係講吓，我覺得係一個發洩渠道。可能好多情侶喺餐廳食飯時好好，但一上網就係咁隊隔籬嗰個。」徐緣說得最中肯：「所以我見到網上講港女好多缺點，其實係好多男人經驗入面最差嘅集合體。」
伊健自稱甚少拍愛情片，以往多數拍漫畫改編的電影（《古惑仔》、《風雲》），但今次一聽完阿旦鄭丹瑞講劇本，便立刻答應演出，他說︰「我覺得旦哥個情懷喺度，佢雖然唔屬於呢個年代，但佢一路進化緊，加上佢本身好吹（水）得！」伊健續說：「當然要睇吓邊個做女主角啦！知道係佢（周秀娜），都覺得應該幾好睇。」娜姐亦讚旦哥talk得：「佢每次講完，個畫面好似就喺你前面，啲情緒湧住上嚟！」
寸娜姐鬆毛鬆翼
蔡瀾問兩位嘉賓做新人時可有被欺負？伊健衝口而出說：「梗係有，我見到佢哋（指着周秀娜）好幸福，不過我聽到前輩嗰啲仲慘。」蔡瀾提到阿旦當年一樣被人恰：「俾人打都唔緊要，心靈創傷先慘。好慘㗎旦哥。」阿旦當年拍了一系列《小男人周記》，正是蔡瀾監製，所以對阿旦的過去一清二楚。伊健認為人生應該要有高低起伏，生活才算精采：「感情又好，工作上又好，如果太平唔好玩，回頭望番冇乜特別。」
徐緣提到娜姐的銜頭不簡單，是連續五年榮登網絡最多人搜索圖片女星的冠軍，他說：「呢樣絕對唔簡單，因為有數據。」Tanya亦說：「女神唔係齋噏，係堅嘅！」伊健即時由上至下打量一下娜姐，並笑說：「真係有眼不識泰山！」娜姐作勢放電：「𠵱家識都唔緊要！」伊健回應：「睇吓你讚兩句就鬆毛鬆翼。」
苦戀歌大有共鳴
徐緣提到讀書年代，是聽伊健的情歌長大：「我以前讀男校，好多同學都係你啲fans，因為你啲歌全部都係分手、暗戀又追唔到女仔，嗰啲歌喺男校好煞食，反映到當時追唔到女嗰種心態。」伊健解釋為何這些歌曲會令人有共鳴：「我哋嗰個階段都係諗乜嘢叫愛情，或者身邊有朋友失戀，我只係將佢哋古仔唱出嚟。」
不過伊健覺得當人生經歷豐富，又有了另一半，唱情歌已不能感染別人，所以近年甚少唱情歌，他說：「其實我拍完呢套戲，真係唱咗隻歌。因為我好喜歡個劇本，拍嘅時候想搵隻歌去代入。」之後其音樂監製陳光榮寫了一首歌，雖然不在電影裏，但會聯同王菀之和C Allstar的電影歌曲，一同收錄在電影soundtrack之中，伊健說：「做得幾開心，自己型咪得囉！」
場地提供：蟹膳
服裝:ANTEPRIMA
伊健娜姐情侶檔 大把趣事未曾講
http://bit.ly/talk245501
ex禮物擺邊好？分手迷你倉有得做！
http://bit.ly/talk245502
阿旦撮合娜姐 伊健︰「女主角好緊要」
http://bit.ly/talk245503
港女冇market？老外話好like！
http://bit.ly/talk245504
做新人時畀人蝦 伊健講起都怕！
http://bit.ly/talk245505
媾女咪亂灌人飲 小心自己冧！
http://bit.ly/talk245506
王菀之豪放到暈 好戲到嚇親人
http://bit.ly/talk245507
旅行要搞新意思 識得玩要行街市
http://bit.ly/talk245508
唔唱情歌有原因 皆因伊健結咗婚？
http://bit.ly/talk245509
唱片越嚟越少歌 都係科技的錯？
http://bit.ly/talk245510