【記者周詠雯報道】位於油麻地、開業14年的菲林沖曬小店「八月照相館」本月底結業，死因並非租金高，而是上網「開心share」文化。老闆唐思耀（Tommy）說，人人都想盡快上載分享靚相，令沖曬店生意只得高峯時的兩三成。別人開心share令小店要傷心結業，Tommy沒有怨言，擬將所有器材捐贈予社企，希望菲林攝影和沖曬技術不會成為歷史。
生意跌 日沖10筒菲林
八月照相館在facebook專頁宣佈結業後，過百攝影發燒友留言挽留及表示可惜，但Tommy受訪時表現淡然，「當需求唔足以令你營運，咁就應該要停」。Tommy表示，昔日生意高峯時每日收到100至120筒菲林，近年「有時得20、30筒，已經好叻」，大部份日子每日僅收到10多筒菲林；生意額由高峯每月近10萬元，跌至現時每月2至3萬元。
生意每下愈況，Tommy說與近年興起的上網「Share」文化有關，因人人都希望第一時間上載靚相，即使想要菲林攝影效果，大可用智能手機的濾鏡功能（Filter）App，既方便又快捷，「唔使等，又唔使畀錢曬相」。
自十多歲時第一次接觸菲林相機，Tommy從此着迷，更自學沖曬技術，成為傍身絕技。八月照相館是少數提供「正片負沖」服務的沖曬店，高難度沖曬技巧，在Tommy口中變得輕描淡寫，「都係睇番啲menu，睇番啲機，冇乜特別技巧。自己玩影相嗰陣都要求人哋幫我曬E to C，所以自己研究吓」。
除了有沖曬技術，Tommy提供貼身服務及教路，亦是其受歡迎原因。他說，顧客開心，自己也有滿足感，於是越來越投入，沖曬相片時「要估吓個客想要啲乜，跟住佢嘅要求慢慢捉摸」，尤其在正片負沖時，在「tune色」（調節顏色）的步驟上更需要依靠觸覺，判斷照片的顏色調配，以配合客人要求。
器材捐社企作教學
講到未來去向，Tommy稱計劃將所有器材捐贈社企，用作教學及自助沖曬之用，他會提供技術支援和意見，但不會親身教學，「未必係我負責」。Tommy又預計，菲林相機將會在未來10至15年逐漸被淘汰，而數碼相機機身配搭菲林相機鏡頭使用，是大勢所趨。