長實嘅嵐山一期因為蚊型size但價錢貴成為城中熱話，唔少市民鬧爆長實搞「劏房豪宅」。
但官方喉舌《人民日報》海外版就大力追捧，噚日發表一篇署名文章（圖），話長實推出咗「置業者在香港能買到的最便宜的房子」，形容嵐山177呎蚊型單位「麻雀雖小，五臟俱全」，甚至能令本港樓市從炒賣豪宅中轉型，令樓市變得更健康喎。
查實呢位作者都坦承，呢個劏房單位細到可以同赤柱監獄單人囚室媲美，但價格相對便宜囉，而且「不但有單人廚房，浴室還裝有浴缸，甚至有個小小的陽台」，所以即使媒體「眾聲喧嘩」都冇降低港人購買意欲，受年輕貴族青睞，甚至用「哄搶」形容港人搶購情況。
無啦啦越洋幫長實賣廣告，唔通中央嘅老虎團中，有人入咗唔少貨？