馮仁昭四圍超:葉世榮囡囡大聲唔怕醜 - 馮仁昭

馮仁昭四圍超:葉世榮囡囡大聲唔怕醜 - 馮仁昭

葉世榮(左)噚日喺大埔亞視總台擔任節目《星動亞洲》嘉賓,世榮話對上一次返嚟香港係去年7月,話咁快就一年,今次返嚟有工作外,亦順道見吓香港朋友,世榮話囡囡𠵱家兩歲,喺內地一齊住,問佢係咪內地讀書?佢話暫時喺內地讀基本嘅。問世榮囡囡有冇唱歌天份?佢笑話:「佢好百厭同埋好大聲,日日瞓醒就唱歌,叫我起身,不過都幾有條件學音樂,因為佢大聲又唔怕醜,好有表演慾。」
撰文:馮仁昭