車路士門將施治要被踢走？話說車仔招攬埋杜奧巴（左）回歸之後，一隊25人陣容裏面，已經有成18個外援，超過咗國際足協規定嘅17個。咁到底邊個走？如果有得摩連奴揀，梗係揀啱啱演活門前兩碼失機醜態嘅費蘭度托利斯喇，不過佢回塘得咁緊要，加埋高達近18萬鎊周薪嘅人工，都幾難搵人「接貨」；喺比利時門神泰拔高圖爾斯回歸下，摩帥可能要忍痛將施治賣走。