足總噚日公佈出戰9月仁川亞運男足嘅港隊20名球員名單，主教練金判坤就話，原先希望揀聶凌峰同科夫兩個喺國內落班嘅球員，但因為唔係正式國際賽，未獲球會放人，經研究後決選今季轉咗去東方嘅「英雄輝」葉鴻輝（圖）、飛馬中場鞠盈智同傑志前鋒安基斯3個大港腳幫手，希望加強三線實力，爭取好成績。雖然聶凌峰同科夫踢唔到，但仲有李毅凱同方栢倫兩個中甲兵助陣。