昨日《五個小孩的校長》在荃灣舉辦「學校開放日」，順道開鏡拜神切燒豬，一班演員楊千嬅、古天樂、劉玉翠、姜浩文、吳耀漢、吳浣儀和馮淬帆，還有監製陳木勝、導演關信輝及五個扮演學生的小演員都有出席。一班小演員在開放日獻唱《小太陽》，古仔為了獎勵一班學生，每人送一支甜筒雪糕，演校長的千嬅，即刻校長上身提醒學生們要多謝哥哥！
投訴細蝦大
古仔和千嬅跟五個小演員合作，古仔竟然投訴被小演員蝦，他笑說：「今日第一次見啲小演員，佢哋恰我，見親我都嘻嘻哈哈，唔怕我。」千嬅在戲裏戲外，都扮演嚴師的角色，她認為今次拍攝電影之後，有信心可以辦學，她說：「我就算cut咗機都似校長，會做衰人，佢哋（小演員）唔記得對白就罰企樓梯一分鐘，不過佢哋好乖，聰明又聽話。今次拍戲真係好似一次生咗五個咁，就算cut機同佢哋相處都似一家人咁投入。」
古仔再次被問到有無生B念頭，他曲線迴避：「兩件事嚟喎！自己成日實習，因為親戚朋友都好多小朋友。」千嬅被問到會不會再追多個，她想了一想，無正面回答：「我都有教個仔唱《小太陽》但佢冇理我，遲啲可能帶囝囝嚟同啲姐姐玩吓，但佢見我照顧其他小朋友可能會呷醋。」
另外，有報道指《五個小孩的校長》女主角本來是鄭秀文（Sammi）怕跟古仔再傳緋聞，所以一個月前推掉校長一角，古仔否認真有其事，千嬅則澄清說：「開拍前四個月就搵我。」
採訪：文國駿
攝影：陳順禎