小米最近強攻印度，照辦煮碗以「飢餓營銷」吸客，反應出乎意料好。7月29日於印度當地最大電子商務網站Flipkar開賣小米機，只係5秒，2萬部機就俾人掃晒。通達（698）呢隻概念股，有前途，逢低吸喇。意馬（585）炒賣盤炒咗一排，前晚終於公佈易主，梁伯韜向單九良及張鵬，轉讓20.95%股本。「紅籌之父」梁伯韜有幾勁全世界都知，但新大股東單九良都唔可以睇少。單九良本身係泛亞有色金屬交易所總裁。呢間交易所，堪稱係全球最大的稀有金屬交易所，中國客戶資產管理規模最大的現貨交易所。截至2014年6月底，全國各地交易商總數超過11萬個，資產管理規模超過300億元（人民幣．下同）；每月新增客戶1萬名，新增客戶資產管理規模20億元。
梁伯韜講明唔會全身而退，仍持有7.82%股權。公司之後亦會發展於中國貸款和融資機會業務。今次交易每股作價0.26港元（下同），同公佈前收市價0.182元比，有近43%溢價。噚日條街見梁伯韜唔玩，加埋趁好消息出貨，搞到隻股尾市插落。收市報0.169元，收購價比現價高54%！單九良咁貴買番來，你估佢唔會做大佢咩？想像下，佢將旗下呢間類似LME嘅交易所部份業務注入，你話而家個價係咪抵到爆。買入博上番收購價0.26元，以最近升浪一半0.138元止蝕，用兩成去博五成升幅，值博吧！
Fifi
http://www.facebook.com/lovefrystock
本欄逢周二、四刊出