黃美棋、李思欣、胡諾言和老婆陳琪前晚到尖沙嘴出席《生命中的美好缺憾》首映，美棋BB左邊面被燙髮夾熨傷留疤，傷口已經開始痕癢，她說：「今日我發現甩咗一『忽』，我驚係我瞓覺自己整甩，死喇！咁樣可能真係有疤。」美棋BB 8月拍電影，又要為馬會拍有關賽馬的節目，賽馬節目會不會繼續在亞視播？美棋BB說：「都會喺亞視播，不過未知嚟緊會唔會無綫出，因為個權畀咗無綫播，我哋𠵱家都研究緊。」
另外，通訊事務管理局表示，維穩劇《我們的天空》收到1,500宗投訴，有份演出的胡諾言大感無奈，他說：「我都係跟公司指引拍呢個寫實嘅劇，都好矛盾，究竟想多啲人睇，定係多啲投訴，作為演員，都開心多人留意。」
採訪：譚倩宜
攝影：陳志嵐