太陽飛馬噚日公佈，已簽咗現年33歲嘅前波斯尼亞國腳丹贊奴域（圖），呢位防中資歷確實幾堅，08年跟過克羅地亞班霸夏德嚟港踢賀歲盃，之後踢凱沙羅頓，幫球隊升德甲，近季就喺塞爾維亞等球會落班，仲捧過塞爾維亞盃㖭。丹贊奴域除咗踢過歐洲頂級聯賽，04年仲入選波斯尼亞國家隊，上陣17場入兩球，係南非世盃外嘅主力，單睇資歷勁過上季踢南華嘅卡古特，丹贊奴域噚日已開操。