鄭伊健、周秀娜主演，鄭丹瑞（旦哥）執導的電影《分手100次》前晚在圓方舉行首映，之前收到旦哥通知提早一個月到戲院撐首映的李若彤都有出現。
有份客串的楊千嬅現身首映，提到丁子高正日生日怎樣慶祝，她說：「老公以為我有驚喜畀佢，見我一直冇出聲，以為26號晚有乜嘢搞，點知冇，佢好失望。我一早就話要拍戲搞唔掂，加上佢個人又event王，搞乜都有批評，不如唔好搞就最好。老公仲話咁多年都有幫我搞生日，而我只係幫佢搞過一次生日，我聽到後會反省，但未去到內咎，因為佢太奄尖。」提到陳奕迅想退出，千嬅說：「我諗佢想休息吓，佢係英國人，外國讀書，講說話甩甩哋。」錢嘉樂和湯盈盈被問女兒被指醜樣，嘉樂說：「靚唔靚各人有不同審美眼光，個女似我就一定靚，我個女一定係健康快樂嘅小朋友，已經好足夠。」
採訪：卓寶花
攝影：沈健程
