【本報訊】7.2警方把黃竹坑警校設為臨時拘留中心，一班義工警校外「接放學」，負責安撫示威者的家屬，並留下聯絡以便日後提供法律支援。這批義工高峯期多達50多人，被捕經驗豐富的社運人士周諾恆今次變成義工統籌者，「示威者喺警署好緊張，出到嚟原來有人等自己，孤獨感會減低好多」。他和義工在警校外從清晨站到夜晚，等到最後一人獲釋為止。周諾恆笑言，在警校外接放學「仲辛苦過俾人拉」。
周諾恆大清早就到警校外守候，豈料獲釋者被移送別處，弄得義工們東奔西跑，「我覺得警方專登周圍放。Madam喺安老院同記者講全部喺黃竹坑遊樂場放，點知我哋落到去，有啲人車咗去海洋公園，有啲喺閘口，阻礙我哋聲援，阻礙傳媒採訪」。
周諾恆：一個都不能少
有些義工本身負責7.1街站，廿多小時沒睡；剛獲釋的學聯同學要等待全部示威者獲釋才肯走；結果遊樂場出現一班年輕人「倒地」熟睡的奇景。現場缺乏物資，記錄示威者資料的紙張不夠，就用裝過食物的雞皮紙袋來寫。有熱心市民向義工送上蛋糕和水。
周諾恆的宗旨是「一個都不能少」，堅持留守到最後，「接人嘅嘢，都係多一個人等，被接嘅人感覺就好一分。」最後他們成功接了300多人出來。
示威者士氣高昂，在警校困了大半天，獲釋時卻精神抖擻，周諾恆也感到驚奇，「我平時出到嚟都冇乜心機，揮兩吓手多謝大家，攞煙食，攤喺度唔郁」。
周諾恆剛投訴在6.13反新界東北發展示威被警員在警車毆打，因示威集會被捕不下十次。
7.1前夕，他緊張得頭痛欲裂，擔心群眾怒火爆發，警方暴力升級，本來不贊成7.2預演佔中，「越來越多人躁動。從來只有我嗌衝，邊有我嗌停？6.13我第一次嗌停啲人，仲要嗌唔住」。
「社會正式進入鬥爭」
今次511人堅定又冷靜，更獲得大眾支持，屬他意料之外，「我哋第一次搶鐵馬，社會睇到好似怪獸。可能以前告士打道都堵過，今次堵遮打道，就冇乜人鬧」。一向走激進路線的周諾恆也承認今次「保守咗」，「社會真係唔同咗，一啲轉變嚟緊。𠵱家正式進入鬥爭，群眾冇底線，想鬥到底。」