前季贏69W用盡一兵一卒，初次登上冠軍練馬師寶座的葉楚航，上季成績大跌Watt只得35W，下跌近半，僅僅入到排行榜十大。葉楚航說：「若然給我重頭揀過，我前季仍一定會搏到盡，起碼有努力過做到冠軍，就沒有遺憾，我認為是值得的。上季我只得35W是預料之內，所以煞科戰憑『大將軍』贏馬後，我對記者說達標了。」
經過上季回氣，不少葉廐馬的評分已經得到調整，加上新馬開始成熟接棒，葉楚航話有望東山再起。佢仲給了馬迷一個貼士：「大家不妨留意我一些三轉四歲的質新馬，牠們不乏具潛質之輩，今季將大幅進步，有助馬房爭功。如『運財福星』上季展示過接近走勢，總編班後降落五班一定超卓，今季跑中距離會更好。而『順頭順路』質素相當不錯，只是上季未成長，體質較弱，今季如養壯，當有一番作為。」
葉楚航又表示，前季三歲時五捷嘅頂班馬「隨心隨意」，上季處回氣期出賽不多，跑完3月打吡便提早唞暑，家陣體力已全面回復，有力重振雄風，喺級際賽爭雄。