母：阿雪，阿祥係邊嗰嚟㗎？
女：阿媽，阿祥係我老公囉！
母：咁，你地結咗婚未呢？
女：阿媽，話明係我老公，當然結咗婚啦！
母：結咗婚？咁你老豆知道未㗎？
幾姊妹聽着阿媽跟阿雪的對話，狂笑翻天！
阿媽繼續問……
母：你不要成日跟阿祥返大陸，我驚你落唔返香港，阿媽年紀大，幫唔到你幾多㗎啦！
聽到這裏，阿潔沒留意；大概不止兩滴眼淚滑下我的面頰。
伯娘九十一，阿雪嫁了阿祥30 年。
如果我媽還在，如我夜歸，她大概也會嘮叨：咁夜？有什麼意外，阿媽點幫你？
阿媽，你能幫得我幾多？
幫了那麼多年，媽，你攰啦！
猶如伯娘話語：「阿媽年紀大，幫唔到你幾多㗎啦！」
伯娘九十一，九名子女，無數孫兒，還是幾任曾祖母。
能記憶多少？又有多少憂慮？
語阿雪：你媽的思維忽爾回去閣下未嫁時，誰個阿媽不為子女擔驚受怕？子女面前，又不想隨便表露，怕子女笑她杞人憂天，也怕子女嫌她多管閒事。
密密收藏，數十年後，一生精靈無限的老人偶爾斷片，記憶回到深藏往事，靈光飄過，打開塵封細膩保險箱，除了心底憂慮女兒的婚嫁，也曾憂慮北上居住女兒的安危。
不要說孫子女，就是子女九人，人人際遇不同，性格南轅北轍，未必轟天動地，各有各的路，十隻手指有長短，難以平衡平均事事應付，隱藏擔載多少如深海。但她付給子女的心，不可能人人一樣，可沒有少給那一個。