7、80後的成長片段中，一定有過這樣的一幕：戰戰兢兢走到波鞋街，要買最潮最獨特的波鞋；直面林林總總的波鞋，卻一臉茫然。幾番掙扎，你買下一對鞋，其中一個原因是「波鞋街睇唔啱，第二度都唔會睇啱」。香港人從前會去波鞋街尋寶，去逛櫥窗；但近年自由行多了，漫畫家和波友慨嘆漸波鞋街失特色，你有發覺它「變味」了嗎？
記者：程詩敏 鄧玉燕 攝影：朱家駿 江俊豪
50年代彌敦道近奶路臣街，還是書店林立；70年代中，隨著奶路臣街的域多利戲院拆卸，大量鞋舖及運動用品舖進駐。「嗰時我讀中二，當年波鞋街唔叫波鞋街，係賣體育用品，如獎盃同運動衫等」漫畫家甘小文第一件在波鞋街買的東西，是一條體操褲。那時波鞋街和前衞二字，沒有太大關係。
1982年全民世盃
1982年，無綫未有收費台，當年的西班牙世界盃，首次直播全部賽事，讓香港人頭一次目睹世界級足球的亮麗，帶動7、80年代運動熱。波鞋舖Fulvo（富豪）創辦人彭漢釗回憶波鞋街萌芽時，正值是小孩放學都去打波踢波的年代，「細路去邊踢波？麥花臣（球場）同伊館（麥花臣室內場館），籃足球都喺度，呢個就係花園街嘅先天條件，吸引年輕人。」
由早期運動用品舖賣健身器材、各式運動用品、雜貨，到差不多清一色賣波鞋，彭生說「運動用品生意開始跌，有咩一年四季，每日都賣得出？唯一就係波鞋。」先天有利位置，加上老闆們的生意頭腦，波鞋街由穿皮鞋的老土阿叔，變身為波鞋潮童。90年代名牌球鞋興起，波鞋街店舖每天顧客數以萬計。
不過香港人已經鮮會到波鞋街尋寶。足球愛好者阿崙說：「以前款式反而會多元化啲，入每間舖都有唔同嘅嘢睇，依家睇嚟睇去都係類似嘅嘢，你可能去朗豪坊、圓方啲運動舖都睇到心水，唔駛嚟波鞋街。」甘小文也說「重建之後，會唔會係我哋種感覺？對我哋呢代，唔係。可能有一個大玻璃幕牆，可能變得好機械。」
