今日是黃柏高（Paco）的63歲牛一，昨晚他在灣仔有份投資的意大利餐廳舉行生日派對，太陽娛樂旗下藝人拱照到賀，鄧麗欣（Stephy）和男友方力申前後腳出席，着薄裙的Stephy透底頗性感，她說：「好尷尬！冇買嘢畀佢，知佢鍾意飲酒，今日又係餐廳開張，同佢飲過。」問小方是否會加盟當賀禮？他笑說：「遲啲先講，合約未完。」
由於壽星公鍾意飲酒，旗下藝人都送酒做禮物，包括Janice Man、As One、陳奐仁夫婦，而好友彭浩翔、梁漢文等都有到賀，許志安則兩手空空現身，笑言禮物後補。其後楊千嬅和老公丁子高雙雙抵達，千嬅說：「禮物送佢鍾意做嘅嘢，但唔講係乜，講咗冇驚喜。」
採訪：藍文浩
攝影：陳順禎