上市公司不時都會搵嚟名人做獨立非執董撐場，好似搞緊喺美國上市嘅阿里巴巴，早排就公佈搵到前特首董建華做獨董。鵬愛醫療集團都唔執輸，啱啱今個月就委任藝人曾志偉做獨立非執董，話係幫集團業務同埋營運提供指導意見，兼進行監督。其實曾志偉唔係第一次做上市公司董事，之前喺從事娛樂事業嘅星美國際（198）就做過副主席兼執董，由1999年做到2006年辭任。曾志偉搞電影就話在行箒，講到醫學美容，曾生到底可以畀到乜嘢意見呢？照計，鵬愛應該搵同行黎姿做顧問，咁就應該更加有話題性嘞。