車路士周日友賽奧林比亞，載譽回歸嘅杜奧巴只係做觀眾，兩位新兵迪亞高哥斯達（圖）同法比加斯表現都唔錯，但係最搶風頭嘅又係費蘭度托利斯。唔知係咪見哥斯達有波入，費托緊張得滯，竟然離門兩碼用個心口頂個波出界。後衞伊雲洛域本來都有入波，但球證判入之後又彈弓手，改判入球無效喎；不過車仔最終都順利贏2:1。