因病而遲咗歸隊嘅卡雲尼（右二），周一就單獨從巴黎到港，呢位烏拉圭國腳登機後不忘喺社交網放上自拍照；有球迷收到風之後到機場接機，另有20幾個球迷喺酒店等候。卡雲尼約7點到酒店，仲幫8個球迷簽名，但專程由杭州來港追PSG嘅蔡先生，使咗過萬蚊都簽唔到伊巴，又簽唔到卡雲尼，嬲到可能波都唔睇。