拜仁慕尼黑新球季未開始就先響頭炮，周日喺漢堡舉行嘅電訊盃決賽鬥禾夫斯堡，雖然一班世盃國腳未歸隊，但有列貝利同羅拔利雲度夫斯基呢班主力坐鎮，完全夠殺。羅拔仔今場繼續醒神，又入兩粒，幫拜仁輕鬆炒對手3:0，連續兩年捧起呢隻盃（圖）。不過上半場發生咗一段小插曲，又有球迷衝入場，想搵查維馬天尼斯自拍，搞到場波停咗一陣。