入場睇波咪遲到，好似上周六米拿路斯主場對尼卡沙嘅墨甲比賽，主隊前鋒古斯達禾拉美尼斯（圖）聽到球證一吹雞開波，喺中圈推前一步即抽埋去，笠死對方門將，開賽4秒鐘就入波，創咗墨西哥當地聯賽最快入球紀錄；咁4秒係咪全世界最快？我求大俠翻查啲紀錄，原來喺塞爾維亞同沙地阿拉伯嘅聯賽，有人試過兩秒就入波，點入㗎大佬？