財爺曾俊華等1,600隻快閃熊貓走咗，上星期四就去中環PMQ元創方（由荷李活道前已婚警察宿舍活化而成）行番轉。有趣嘅係，佢噚日除咗喺網誌透露去元創方探訪幾位年輕創業者，建議大家去行吓買吓嘢，仲上載一張佢跟七位女士嘅合照，指當中有人係佢呢個網誌嘅長期擁躉。簡單啲講，財爺硬銷完元創方，仲要硬銷埋自己個網誌㖭呀。