好久好久以前，廣州有條精乖伶俐的肥仔，家道中落，在火車站幫旅客搬運行李謀生。一日，他替一名衣着光鮮的香港旅客搬行李。客人賞了他一塊長方形，有錫紙包着的食物。他一放入口：「嘩！乜嘢嚟㗎？咁好食嘅！」客人答道：「朱古力。香港周街有得賣。」
肥仔自幼饞嘴，他整個人愣住了，心想：「香港？一定是天堂！」
若干年後，肥仔偷渡到了天堂。
人家說，天堂要努力工作，他拚命勤奮。
人家說，天堂要識英文，他拿英文字典背。
人家說，天堂要炒股票，他因此賺了第一桶金。
人家說，天堂要發達才爽，他朝這目標千方百計（不擇手段？）
今日，肥仔垂垂老矣，雞皮鶴髮，肥佬一名。
我說：「天堂啲有錢佬個個玩明星包二奶，你就火九辣辣，幾十歲仲日日走去毅行！服咗你！」
他說：「挑，你鋪話法，有錢大撚晒咩？」
他又說：「堅哥，我六十幾歲，諗通咗啦！我今日大大話話，身家好多個億，幾世都用唔晒！但我覺得每一毫子每一分錢，都係呢個地方俾我嘅！我對呢個地方充滿感恩！」
後記：
肥仔今日所作所為，其實不必想得那麼複雜，佢只係用佢嘅方法回饋這個地方。一個他認為是天堂的地方。一個他認為是家的地方。
感言：
如果我有好多個億，我會像肥仔？不會吧！我太正常了！
利益申報：
我替這個肥仔打工快二十年。
逢周一刊出
葉一堅
mailto:[email protected]