暑假係一班𡃁模現身賣肉嘅時候，早排黐咗「紮紮跳」嘅「加勒比海」都有寫真推出，唔知佢原本係咪想將紮紮跳掛喺嘴邊博宣傳。好多人都懷疑到底佢哋兩個係咪真係有路，事實係有二五報料，早排加勒比海有份主演嘅電影《大胸女人》有幾場優先場，紮紮跳唔知乜事捧足咁多場咁滯，仲去現場探班，有次仲同加勒比海雞啄唔斷，閂門傾咗半粒鐘有多，搞到其他人走晒剩低公關等佢走，兩個就係咁撻着咗。所謂姣婆遇着脂粉客，之後加勒比海就成日送上門喺紮紮跳屋企出現。其實明眼人都知加勒比海係借對方知名度提高自己地位，但既然送到埋口紮紮跳亦樂於被利用。
撰文：關仁