牙買加跑手保特（前）將會出戰英聯邦運動會，但喺今屆賽事就冇參加到任何單項比賽，只係玩4x100米接力項目。保特已經身在格拉斯哥，喺上周六出席記招嗰陣冇乜講田徑，只係大談佢最鍾意嘅足球：「可以喺曼聯踢波係我一個大夢想，我仍然希望有朝一日可以實現。」雖然佢係紅魔鬼粉絲，但喺記招有人話畀條蘇格蘭裙畀佢，保特就講笑咁去拒絕：「紅色唔係我『飛佛』。」