鄭欣宜昨日在港台出席活動，她表示最近經常拍戲，好開心終於可以在活動上唱歌。對於陳奕迅有意休息兩年，欣宜激動地說：「好傷心呀！我聽到兩個版本，有一個係佢想休息半年，但又有話佢退休。作為樂迷應該會支持佢，但兩年實在太多，可唔可以係兩個月？」
陳奕迅為在台灣推出的唱片銷量得900張而感無奈，欣宜也認同現今少了人買唱片，網上買歌較方便，她說：「我都有買唱片，好鍾意邊聽歌邊拎住歌詞集睇，感覺好正，仲好鍾意聞本書嘅味，但都少咗，有時會用手機買歌，因為之後連同電腦都一齊有歌係幾方便。」另外，她亦會改變出碟形式，以往多數出大碟，現在加盟新公司，有計劃出細碟。
採訪、攝影：王連連