【本報訊】主場「大腦」蔡東豪決定「斬纜」，其他創辦人雖感無奈仍然支持，劉細良對主場未能繼續走下去感可惜，同時感傷心和難受；梁文道則指從未見過蔡如此心力交瘁，確實要好好休息，他指主場結業，顯示「香港真係好大鑊」，言論空間與內地分別不大。
劉細良：傷心難受
劉細良接受訪問時，表現可惜和無奈，「個新聞網站一開始，成功一路運作到𠵱家，我相信新媒體係未來主要嘅形式，所以我哋只可以行到呢一步係好可惜。」看到讀者的留言，他很感觸，「有啲（讀者）話好傷心、有啲話好難受，咁其實我自己見到都好難受……係新媒體入面，我哋同讀者嘅關係係close好多，所以對於讀者，我係有份歉意，佢哋會好失望、好傷心」。他指蔡事前曾與他溝通，作為朋友會義無反顧支持其決定，「我諗任何香港人喺今時今日都會share到Tony（蔡東豪）嘅感受」。
梁文道透露，蔡東豪狀態極差，「未見過佢咁心力交瘁」。他認為香港已與大陸無大分別，指「香港真係好大鑊」，「可能我都要開番個facebook account，因為我不嬲冇用，𠵱家冇咗個平台，係咪大家第日都要做自媒體（We Media）呢？」