【成立基金】
今生不作機械人夢想計劃，是填詞人王仲傑與弟弟的心血，由構思到籌款到評審，歷時一年，「夢想無大小，只在乎實踐嘅決心」。不是富二代，他笑說膽粗粗成立基金，只因有好心人捐出五萬元作為起動資本，讓他夢想成真，「我覺得可以鼓勵其他人追夢，係一件好有意思嘅事」。夢想讓其他人夢想成真，這個「夢想」，的確與別不同。
「只在乎你有幾大決心」
除了阿富的「音樂夢」，基金會還揀選了其中11個夢想計劃，包括花四年籌備登上珠峯的老師、希望製作首張專輯的樂隊等，「夢想好個人，唔係要破紀錄，做一樣從來冇人做過嘅嘢，簡單到你本身畏高，決心要去笨豬跳，都可以係人生夢想」。事實上，出身基層家庭的王氏兄弟，本身已是「追夢」的最佳例子。
大哥王仲傑在壓力大的美資銀行工作，公餘捱更抵夜，只為一圓做個專業填詞人的童年夢想；原本做測量工作的弟弟，五年前就死慳死抵，連兩年家用都儲埋，隻身到天津，為圓辭工全職學畫的人生願望。「夢想可以好實在，只在乎你有幾大決心」。不要被生活打倒，今日你又發咗夢未？
《蘋果》記者