尼馬喺世盃受傷、睇住巴西俾德國大炒，咪話唔心傷。為咗忘記傷痛，尼馬近排似乎有個新嗜好，就係同朋友賭啤。佢日前放咗張自拍上網，見到尼馬前面放咗幾棟籌碼同埋佢嘅卡通公仔，然後留言：「呢鋪晒冷！」呢張唔係尼馬第一次放賭啤相上網，喺月中佢就喺賭枱前自拍，佢同6位朋友拎住籌碼，一齊玩啤。小賭怡情，希望尼馬只係同班朋友圍內玩吓，唔好染上賭癮。