王晶81年開始投身電影界，第一部執導的電影是《千王鬥千霸》，這麼多年來他拍過不少賣座作品，如《精裝追女仔》、《賭神》及《賭俠》等，執導電影已接近百部，為紀念自己從影執導演筒拍了100部電影，明年6月他計劃開拍《12金剛》，並有意邀請曾與他合作過拍戲的12位當紅男星演出。據悉周潤發、劉德華、古天樂、成龍、張家輝、鄭伊健、吳彥祖與謝霆鋒都是被邀請之列。
已經構思劇本
現時王晶正身在泰國拍攝周潤發與張家輝主演的《賭城風雲2》，記者昨致電王晶問是否要開拍《12金剛》來紀念自己從影拍了100部電影？他說：「係！想出年6月左右開拍，搵番同我合作過嘅12位男星嚟演出，初步同發哥、成龍、家輝、古仔有提過吓，𠵱家係睇大家啲期就唔就到，要咁多人就啱期唔容易，度期真係會幾頭痛，𠵱家已經構思緊劇本，等件事再成熟啲，我再同你講啦！」
採訪：鍾國仁