【本報訊】政務司司長林鄭月娥繼續硬銷政改「袋住先」，聲稱市民只要對2017年特首普選方案「袋住先」，日後可以要求普選特首候選人，於下屆特首選舉改善普選模式，若有候選人拒絕，選民自然「識得點投票」；學民思潮黃之鋒反駁林鄭謬論，又以內地黑心食材比作假普選，接受假普選等同長期食腐敗食物，必定造成永遠損害，「唔能夠要求一時充飢接受劣質方案」。
記者：呂浩然 潘柏林
林鄭昨出席電台節目時，表明對政改形勢「不表樂觀」。
林鄭表示，她覺得政改工作難度之大，「不單止任重道遠，有陣時都覺得自己能唔能夠有能力做呢件事？」
但她相信絕大部份市民都想2017年可一人一票選特首，中央亦是「真心誠意」落實普選，認為就算對不完美政改方案「袋住先」，日後選民仍可要求普選特首及候選人，承諾改善普選模式。
她稱「一位由民選產生嘅行政長官，佢係冇辦法唔向選民負責，咁所以如果香港嘅實際情況又去到另一個階段，覺得𠵱家選舉嘅辦法仲唔係夠廣泛代表性或者民主成份唔夠高，咁我相信選民一定會向呢位行政長官表達，行政長官必須要有一定嘅回應」。不過林鄭亦指，何時是改善普選的成熟時機，「仲有好多問題要考慮」。
「外國介入令問題緊張」
對於泛民拒就不完美普選方案「袋住先」，林鄭將責任推到泛民身上，指他們與中央和港府信任不足，更暗批香港2020召集人陳方安生、民主黨創黨主席李柱銘早前到英美講解本港爭取普選問題。
林鄭又指，「越多所謂外部嘅勢力或者外國政府介入或者評論，真係會令到呢件事個緊張程度增加」。
黃之鋒昨日出席電影《未夠秤》放映會後，以麥當勞被指用黑心食材為例，反駁林鄭月娥的「袋住先」說法，「你食一個麥當勞可以短暫充飢，但係長時間會引嚟身體不適」。
黃之鋒認為就算香港人等待民主多幾年，「佢哋真係好肚餓，但係呢個時候接受一個壞方案，等於食壞食物一樣，食住先帶嚟更深遠負面效果，為香港着想，唔能夠要求一時充飢接受劣質方案」。
劉慧卿斥林鄭講大話
對於林鄭自詡港府在民主高地推動政改，黃不以為然，認為林鄭只是在中央提供的虛假高地推動政改。
民主黨主席劉慧卿亦斥責林鄭的「袋住先」言論是「講大話」，她說：「你（林鄭）咪呃咗啲人囉，因為佢話（袋住先的方案）係普選嚟，佢唔會話袋住先係假嘢嚟，所以其實兩個字都有矛盾，如果真嘅又使乜袋？個袋住先嘅意思即係唔係好嘅，不過勉強先，所以咪唔得囉！」，強調若方案並不理想就「No way，冇得傾！」。