【本報訊】香港動漫電玩節踏入第二日，吸引18.5萬人次進場，逼爆會場。場內盡是動漫迷、電玩迷和Cosplayers，亦有不少人一家大細齊出動。今年動漫節更首次舉辦同人祭，業餘動漫愛好者聚滿另設的展館，展售原創或二次創作的動漫作品。同人祭昨吸引約4.8萬人參觀。
記者：黃靜薇 朱雋穎
一連五日的動漫電玩節踏入次天，昨有18.5萬人次進場，比去年同日的17萬人次升5.1%，龍友圍着Game模、Cosplayers大影特影。2003年起參展的LEGO，其總監馮憲偉認為，今年一家大小的家庭客多了，「家長對動漫、電玩的印象都比以往好」。
今年主辦單位更在主場館以外，另闢場地首辦「創天綜合同人祭」，只開放昨今兩天。同人即是業餘動漫愛好者，同人祭是為他們設攤位，交流動漫心得，展售自家製作品。同人祭在日本、台灣等地非常流行，過往香港也有Comic World、Rainbow Gala等同人活動。今次同人祭有120個展攤，其中8個是日本展商。
展商：好多人唔知係乜嘢照排
不少攤位大受歡迎，其中同人誌組織「風林火山」商品熱賣，吸引上百人排隊，購買動畫《LoveLive!》的海報、T恤、草稿收錄本等同人商品；另一展商「黑蛛白蛛」Puzzle & Girl Love+297系列更於開館數個小時後火速售罄。但風林火山負責人尹生指「墟冚」場面只是假象，「好多人都唔知係乜嘢產品，見人多就排」。
大部份同人自資出版原創作品，以漫畫人物造型現身的周小某，今次用了千多元製作原創本土漫畫《家，這裡應該不是香港吧》。故事背景是兩兄弟因事離港，幾年後回來已覺香港變得陌生，周小某稱，概念來自政府宣傳片《家是香港》的主題曲，「歌詞話『還有天地可前往』，係咪代表我哋離開先會有更好嘅選擇呢？」
剛考完DSE的同人畫家Shoya，則替動漫迷手繪筆記簿封面，按照客人喜好及帶來的照片，先用鉛筆起稿再補色，兩日便起貨，「客人未必鍾意我哋搵嘅圖，佢哋搵完畀我畫就一定啱心水」。
網上平台UDPower更出錢租攤位給八位插畫師展出原創作品，營運及創作總監陳泓軒指，希望幫助插畫家的設計作品實體化。創作漫畫《古感兔》的插畫家Jimmy，為配合動漫節特別製作一批穿上超人衫的古感兔精品。正職為小學老師的Jimmy利用空餘時間畫漫畫，不少已畢業的學生也到場支持他，「我畫公仔都係想帶畀人開心！」
【動漫 Live 不停】 一連5天好玩到癲
http://hk.apple.nextmedia.com/livestream/channel/dvlive
http://bit.ly/ucg2014Live