港視雖然未獲發牌，但旗下藝人卻先後有喜訊傳出，先有羅貫峰榮升第二任爸爸，再添囝囝，已有一女的關伊彤近日宣佈有喜，懷孕3個月，預產期在明年1月底，剛趕及做馬B。關伊彤表示陀B期間仍會繼續開工，稍後有份參演李心潔孭飛的港視劇《風雲》。
記者昨致電關伊彤恭賀，她雀躍說：「呢胎唔係意外，係我同老公計劃之內，我哋有個女，希望追個仔，不過仲未照到性別，仔女都咁開心，咁我肚皮就跟住收工。」關伊彤笑言希望旺氣可以帶動港視取得發牌，她跟港視的合約今年10月約滿，她說：「點都好，希望港視攞到牌，我即將為劇集《風雲》試造型，劇組知我有BB，大家好照顧我，呢胎頭三個月勁嘔，𠵱家穩定咗。」
採訪：比華利
攝影：葉君海