汪子琦日前爆料指馬賽曾發送曖昧訊息給一個年過半百的男藝人,馬賽入行6年,合作過的年過半百男藝人也不少,而前年底與劉松仁拍《名媛望族》時,二人傳過「父女戀」緋聞。
本報早前發現松哥在銅鑼灣買太陽眼鏡,見他心情不俗,昨日記者聯絡松哥所屬的英皇電影藝人部,但表示沒有回應。本報再致電部份曾與馬賽合作的半百歲男藝人,包括黃秋生,他對《戲王之戲》中演閒角的馬賽冇印象,不過近日則有留意她的新聞。有指馬賽發曖昧訊息給合作過的男藝人,秋生反問:「有冇證據?我話佢發畀美國總統㖭,佢好慘,佢係受害人被指摘已經唔公平。」馬賽被汪子琦公開指摘,他表示:「兩個人感情好難講,攞出嚟互相指摘,最好就唔好啦,落井下石四個字就走唔甩。」
此外,與馬賽合拍過《女王辦公室》的張國強昨在電話透露:「冇收過(曖昧訊息),佢冇我電話,印象中佢好得意,好虛心學習。」鄧梓峰在WhatsApp回覆冇收過馬賽曖昧訊息:「同她合作同一般同事感覺差不多,不算健談,比較靜!」而石修表示拍《名媛望族》時未有與馬賽同場:「同佢唔熟,冇收過。」
撰文:唐如