【本報訊】自麥當勞疑用「黑心肉」報道出街後，不少食客都大失信心，感到被欺騙，甚至怒斥食品是「垃圾」。記者昨日所見，有麥當勞分店的人流明顯減少，亦有自稱是麥當勞員工的網民留言指部份分店生意減少三至四成。
街坊陳伯伯得知相關報道後，坦言：「我好少食佢啲嘢，都係涼佢冷氣多，間中飲杯奶茶、咖啡，啲嘢食我唔食㗎，垃圾嚟㗎，好害人。」陳伯伯指自己對食品安全有研究，認為香港政府能力差，無法管理食品安全。他認為時下不少人「肚腩太大」，正是因為吃太多化學物料，「飲食習慣好緊要㗎，人係食出嚟㗎，you are what you eat」。
食客何先生亦感擔心：「用大陸嘢，會覺得擔心，都唔會點食啦𠵱家。」他稱事件影響他對麥當勞的信心，指麥當勞是大公司，「又話用美國嘢，𠵱家又話係大陸，其實係欺騙我哋囉」 。
記者昨日中午時分到麥當勞尖沙嘴梳士巴利道分店，發現人流不多，入座率維持六至八成左右，顧客較多購買魚柳包及雪糕等。有一向光顧的街坊指，店舖人流較往日少：「平時排隊嗰度逼爆人㗎，今日真係少咗好多人。（係咪單新聞出咗之後少咗？）我覺得係囉，係啊，今日先咁少。」
員工不敢吃免費餐點
有自稱是麥當勞的員工於網上討論區表示，其工作的分店「好靜」，生意減少三至四成，而且「唔止佢自己做緊嗰間係咁」。亦有自稱是麥當勞員工的網民表示，即使工作滿一定時數可以換價值28元的免費餐點，亦不敢吃，寧願等到下班買其他食物充飢。