早排政圈流傳自由黨關閉喺九龍灣嘅總部，於是有政圈好事之徒猜測，係咪黨魁田北俊諗住下屆唔選立法會，想摺埋個黨？
八方噚日見到田少，佢斬釘截鐵話，自由黨一定唔會摺埋，唔用嘅原因只為工作方便，因為嗰度畀研究部同地區支部同事用，但研究部嘅同事成日要去立法會大樓開會，地區同事又要成日入新界東，淨係交通費都唔嘢小，不如將佢哋安排去立法會辦事處同新界東支部返工，咁就唔使佢哋成日走嚟走去。
不過，八方估另一個主要原因係，九龍灣總部係田少免費畀自由黨用，當時呎租不過十零蚊，𠵱家嗰度呎租已升到三十幾蚊，田少一向數口精，梗係收番嚟放租好過！