建制派早前北上見負責港澳事務的人大委員長張德江，除了講反佔中、反公民提名外，張亦不忘叫建制派撐特首梁振英。有建制派中人指，張挺梁是要擺政治姿態，表明北京不會換梁，建制派不用再打他的「小報告」，不過這不代表北京盲目支持梁振英，張亦知梁「周街牙齒印」，也在想辦法拆彈，但又談何容易？
不敢讚梁有政績
有建制派中人稱，張德江見建制派時，除了「指定題目」如反佔中、反公民提名，亦會就不同團體，提出有關香港管治問題，例如金融經濟、社會民生，但總離不開一個主軸，就是要改善梁振英施政問題，當中又免不了談及改善梁與各界，包括泛民主派關係。該建制人士笑言，北京提出這些問題，潛台辭是「知道梁振英周街牙齒印、周街冇朋友」，該建制派中人直言，梁上任至今，朋友越來越少、敵人越來越多，關鍵在於「唔聽人講」，「其實好多嘢讓一讓咪解決，為乜要企到咁硬，連建制派自己人都係一步不讓？」
另一建制中人笑言，張德江讚梁振英，也是用敢擔當、勤力、忠心等字眼，「都唔敢再讚佢做到成績、受廣大市民支持，即係北京都知佢唔掂」，但梁卻愛擺「特首款」，向建制施壓，「同意佢要支持、唔同意佢都要支持，結果咪越嚟越多人唔服佢」，有泛民更笑着對季陶說，要「懲罰」建制派最好方法，就是讓梁做足五年任期，「等梁振英慢慢搞死佢哋」。
季陶