魔童王維基除咗再向政府申請開台，另一手正如火如荼部署開網上購物台，八方聽聞，網上購物台最快今年11月就可以面世。
購物台可供訂購名錶
除咗早前同阿信屋傾緊合作之外，呢個購物台將會主打中產路線，賣衫、賣嘢食之餘，名錶、名牌都可以上網訂購。
港視仲有一批劇組人員，簽約到2015年，佢哋有啲正轉型幫魔童拍網劇，啲劇嘅作用係用嚟播放植入式廣告，軟銷產品，但係編劇、拍攝技巧同創意，就會高過CCTVB好多皮。
除咗搞網購、拍網劇，八方聽聞魔童早前都重整新聞部，招兵買馬請咗靚女主播，新聞風格聽講會走輕鬆路線，睇嚟肥佬黎動新聞遲吓可能有勁敵啦。