【改變習慣】唱作歌手文恩澄主攻幕前演出時，生活日夜顛倒，長期睡眠不足，嚴重擾亂生理時鐘。現時她轉攻幕後，嘗試早睡早起，卻受失眠困擾，睡眠不足更令她皮膚變乾，「塊面好乾、好冇自信，難上粉，仲差過唔化妝，所以成日都想逼自己早啲瞓」。
唔夠瞓致偏頭痛
文恩澄說，自知睡眠習慣一向不健康，讀大學時已習慣夜瞓，早上9點她喜歡的日文堂，也忍不住有一半時間睡着。當歌手後作息更不定時，「有時一日只可以瞓兩個鐘，聽日可以瞓好足，下一日只可瞓一個鐘」。長期睡眠不足令她有偏頭痛，「唔知幾時發作，身體機能好亂，明明好夠瞓又會頭痛，唔夠瞓嗰日又冇事」。
近年她轉戰幕後，嘗試回復健康生活，「間中冇嘢做想早啲瞓，但係瞓唔着。好似今日要早起身，會諗如果可以早啲瞓着就好」。但因以往長期睡眠不定時，令她現時早上床也無法入睡，故習慣「開住套劇睇到自然瞓着」。
她曾嘗試不同方法改善失眠，如睡前飲熱牛奶，或聽鬆弛神經的音樂催眠自己，「但係我個人冇耐性，好怕瞓喺床度合埋眼等瞓着，等三分鐘、五分鐘都太耐」。由於她可以自己安排工作時間，不一定要早起床，故未有決心改變睡眠習慣。現時每日平均睡4至5小時，一般凌晨4、5時才入睡，最早要凌晨2、3時。她平日食無定時，更捱出胃痛來，加上飲水少及睡眠不足，引致女性的大忌皮膚乾，「一唔夠瞓就唔上妝，搽好少粉都好似搽咗好多，所以想逼自己早啲瞓，同飲多啲水」。她笑言母親希望她大病一場，令她醒覺良好生活習慣的重要性。
《蘋果》記者