【翠蕭戀】愛得火熱的蕭正楠和黃翠如昨日短暫分手，各自出席活動𢱑銀，早前二人同遊大馬，並於馬航發生空難後繼續乘搭馬航客機返港，當時記者問到蕭正楠繼續選乘馬航可會擔心？他以一句「和她一起，沒甚麼可怕……」可惜網友唔多Like，紛紛鬧爆他沒顧及空難家屬的感受。
昨日蕭正楠於荃灣出席活動時，懶理網友Dislike，繼續隔空出招冧爆翠如BB，坦言當時因為身邊已經有最珍惜的翠如，故令他無畏無懼，並表示下次搭飛機時會買重保險，更會考慮將保單受益人填上翠如BB，不過他笑說：「哈哈哈，梗係填阿媽啦，同埋我仲有個妹，你哋想佢哋殺死我咩，等我考慮吓先！」蕭正楠又指本想低調放假離港，但想不到最後一刻卻被拍到，至於網友對其愛的言語反感，他就解釋：「我只係寫出當時嘅感受，示愛都唔係喺嗰個環境啦！」
翠如氣管炎
而昨日跟「美心妹妹」楊鎧凝到山頂出席Hello Kitty蠟像揭幕的黃翠如，則因氣管炎而要用紙筆來接愛傳媒訪問，她寫道：「自己氣管敏感幾個月，係氣管炎。」問到她是否經常周圍飛去旅行所致？她表示：「唔係，因為大馬朋友屋企有幾箱貓山王，自己食咗幾粒就出事。」提到男友蕭正楠被網友鬧爆其愛的宣言一事，翠如BB終於打破沉默開口護男友：「唔係嘅，佢嗰吓係戥件事傷心，講番個感受，我冇問佢個『她』係咪指我，我學識珍惜身邊人。」
採訪、攝影：卓寶花