【本報訊】麥當勞被踢爆隱瞞曾用上海福喜食品，不少人聲稱要罷吃麥記，有網民直斥「唔踢爆佢死都唔認，都唔知乜嘢態度」，亦有人質疑，麥當勞指相關上海福喜食品已沒有存貨，是另一個謊言，「你𠵱家話賣晒……我點知你係唔係又講大話？」有麥當勞捧場客說，麥當勞「冚冚埋埋」，對其食品信心下降。
對肉食產品信心降低
陳先生是麥當勞捧場客，平均一星期會買兩次甜品。他指，自從有報道指麥當勞用福喜的食材後，對麥當勞的肉食產品信心降低：「冇預計過會有呢個情況，好信任（麥當勞）……因為呢啲嘢冚冚埋埋，你唔講冇人知，都對佢信心低咗，喺食品方面，甜品暫時都ok！」他表示以後會少吃麥當勞。
另一食客黃小姐則不太擔心，「其實我諗不嬲都有，呢啲問題存在咗好耐，中國人有句說話：『眼不見為乾淨』，你出去食嘢其實都冇辦法避免」。
有市民於網上討論區表示，麥當勞只剩下魚柳飽餐是比較安全，亦有網民認為，快餐雖一直被視為「垃圾食品」，但至少要符合食物的安全，「當一件垃圾食物連安全都符合唔到，已經唔再係食物，只會係垃圾」。
蘋民洗版
李文杰
點解𠵱家啲人鍾意講啲一定會俾人踢爆嘅大話呢？
Sang Chan
食咗黑心肉咁多年，體力與健康日漸差勁，點樣追究賠償，這單嘢政府要做嘢。
Ryan Kwok
麥叔叔，雞爺爺本身都係唔健康垃圾食物，𠵱家仲……大家係時候要想下仲食唔食佢哋！
Wong Chi Man
差劣的公關……你𠵱家話賣晒……我點知你係唔係又講大話？即係叫人唔好食麥記……
節錄自蘋果日報facebook留言