馬賽的艷舞片曝光後，震驚整個娛樂圈，不少藝人先後為事件表態！
Mandy Lieu：
我好小心，好private，要睇就跳，想睇就再跳，使乜拍？不過呢啲可以增加情趣，有人會鍾意。
郭富城：
做藝人要小心啲，所有嘢，自己私生活都好，無時無刻要提醒自己，藝人都係公眾人物，如果有傷風化就唔好拍喇，我哋要正面，拍正能量嘅相！
陳慧琳：
𠵱家人嘅互信真係好低，女仔要識保護自己，唔好影呢啲嘢喇，任何情況下都唔好影，就算對方係相愛嘅都唔好影。
張敬軒：
我冇睇過啲相，係咪拍廣告？其實𠵱家數碼媒體實在好發達，藝人不論同朋友又或者喺街有人同影合照，影相都要小心謹慎。
梁思浩：
唔需要，冇得拆，有圖有真相。不過今次最嬲應該係樂易玲，上次件事樂易玲有撐佢，今次有埋片，樂易玲咁要面實嬲。
胡杏兒：
知道呢件事好戥佢心痛，作為朋友，我覺得佢又唔係做錯咗啲乜嘢，呢啲係好私人生活嘅一啲嘢，希望佢堅強啲面對啦。我有聯絡佢，喺呢個時候希望佢唔好做儍事，好好保重！
唐詩詠：
我好戥佢慘，始終呢啲係私人片段，無論發生乜事，都唔應該將片段公開。我相信呢件事對佢有好大影響，希望大家手下留情，畀一個機會佢！
馬國明：
如果係真心相戀，有呢啲行為都冇乜大不了，好似兩公婆一齊沖涼都係好平常，唔通離婚嗰陣就拎啲片出嚟咩。我覺得公司暫停馬賽啲工作，好似太誇張，呢啲片又唔係佢公開，不過一切要留番公司決定。
