一，既然陳小春做到惠州政協，別灰心，當你家屋苑那位全家在港超過三百年的清潔阿嬸也做到政協之後，下一個實輪到你。
二，傳媒說，馬蹄露自爆簽了名，這樣就好了，名單上不難會發現，馬莉蓮夢露、馬可勃羅、馬丁路德金。馬照跑嘛，水份？噢對了，連馬料水都有簽名。
三，區議員空湧而出，簽名街站密集過「些粉」，總有一檔在左近。毋須志願軍，區議員可以幫埋差佬巡邏，土豪有錢佬，這個月，唔使驚被人爆竊。
四，無人估到巴西輸德國一比七，咁，最終簽名人數係七百萬減八十萬，一點不出奇。呢個盤口，大熱。
五，張德江唔見泛民，好正常，唔買樓就古怪。現樓咁平都唔入市，睇來，阿爺會出重手，京官等住個市冧，遲吓才郁手執筍貨。
六， 唔好扮午睡，醒吓啦，不久將來，蔣麗芸會取代謝志峰，坐鎮城市論壇。