港鐵（066）旗下昂坪360將有人事調動，據聞昂坪360董事總經理邵信明將於今年9月1日調番去港鐵，負責中國及國際業務，佢個位將由現任昂坪360商業及市務總監關敏怡升任。
提起邵信明，大家一定記得起2012年大年初三，昂坪360纜車失靈，令到800名乘客半天吊被困零度低溫車廂兩句鐘呢件事。邵信明其實早於2007年從以前九鐵過檔昂坪360，2011年底升任董事總經理，上任冇耐就發生呢單半天吊事件。好在之後就冇乜重大事故發生，近年關於昂坪360嘅新聞，多數都係話太多人去玩，人龍長又逼爆之類。
至於即將升任昂坪360董事總經理嘅關敏怡，原先都係喺港鐵工作，2012年先至調去昂坪360，一路幫手推廣新設施，加強纜車嘅吸引力。